Шаңғы спортынан әлем чемпионаты: Величко масс-старт додасында 37-орын иеленді

<p style="text-align:justify">Австрияның Зеефельд қаласында шаңғы жарысынан әлем чемпионаты аяқталды. Біріншіліктің соңғы жарыс күнінде 50 шақырымдық масс-старт бәсекесі өтті. Бұл туралы ҰОК баспасөз қызметі хабарлады. </p>

Бұл қашықтықта норвегиялық Ханс Кристер Холунн алтын, ресейлік Александр Большунов күміс, тағы бір норвегиялық Шур Рете қола медаль жеңіп алды.

Қазақстан сапынан үздік нәтижені Евгений Величко көрсетті. Ол мәреге 37-ші болып келді. Дәулет Рахымбаев 54-ші сатыда.

Норвегия ерлер құрамасы шаңғы жарысынан өткен барлық жарысқа жеңімпаз атанды. Олар жалпы есебі 10 алтын, 3 күміс және 5 қола медаль иеленген.