Елеусінов алтыншы жеңісіне қол жеткізді

<p style="text-align: justify;">Жартылай орта салмақта өнер көрсететін қазақстандық боксшы Данияр Елеусінов (6-0, 3 КО) кәсіпқой рингтегі алтыншы жекпе-жегін өткізді, деп xабарлайды <a href="http://prosports.kz/" rel="nofollow noreferrer" target="_blank">Prosports.kz</a> сайты.</p>

Филадельфиядағы жекпе-жекте ол мексикалық Сильверио Ортиспен (37-24, 18 КО) кездескен. Қарсыластар сегіз раунд бойы жұдырықтасты. Данияр кездесу бойы басымдықта болып, жетінші раундта қарсыласын нокдаунға түсірді.

Осылайша, жеңіс төрешілер шешімімен Елеусіновке берілді – 79:70, 79:71 және 79:71.

Данияр Елеусінов кәсіпқой бокста өткізген алтыншы жекпе-жегінің бәрін жеңіспен аяқтады.