Головкин әлемдік рейтингте бір сатыға төмендеді
<p style="text-align: justify;">АҚШ-тың танымал The Ring журналының Р4Р рейтингінде бұған дейін үздік бестіктің қатарында болған қазақстандық кәсіпқой боксшы Геннадий Головкин бір сатыға төмендеп, қазіргі кезде алтыншы орынға тұрақтады.</p>
Бұл тізімде Украинаның мақтанышы Василий Ломаченко көш бастап тұр. Екінші және үшінші орындарда – америкалық Теренс Кроуфорд пен мексикалық Сауль Альварес. Төртінші сатыға тағы бір украиналық боксшы Александр Усик жайғасты. Күні кеше ғана Майки Гарсияны ұтқан АҚШ-тың мықтысы Эррол Спенс бесінші орынға көтерілді. Біздің Геннадий Головкинді орнынан ығыстырған дәл осы өрен.
Сондай-ақ, «ТОП-10» боксшының қатарында жапониялық Наоя Иноуэ, таиландтық Срисакет Сор Рунгвисаи, америкалық Майки Гарсия және филиппиндік Донни Ньетес сынды жуан жұдырықты жігіттер бар.
Ғалым СҮЛЕЙМЕН,
«Egemen Qazaqstan»