Нұр-Сұлтан – жаңа бренд
Елорданың жаңа Нұр-Сұлтан атауы баршамызға құтты болсын! Наурыз мейрамы қарсаңында жаңа Президентіміз жаңа ұсыныстарын халыққа жеткізді! Қадірлі Елбасымызға Қазақстанды осындай мәртебеге көтергені үшін, барша Қазақстан халқы Ассамблеясының мүшелері алғыс білдіру мақсатында Президенттің ұсыныстарын бір ауыздан қолдады. Елімізді дамытып, бейбітшілікпен және келісім шаңырағы болып қалған елордамызды әлемге танытып, халқым деп отыз жыл тынымсыз жұмыс атқарғаны үшін өзге ұлттар аталған ұсыныстарды қуанышпен қабылдады.
Елбасының қағидалары біз үшін өмірлік бағдарлама болып қалады. Біз еліміздің гүлденуіне әрі қарай үлес қосуға әрқашан дайынбыз. Ұлыстың ұлы күні бақ әкелсін! Жаңа жылымыз – Наурыз мерекеміз, халықтың басына бақ құсын қондырсын! Молшылық, бақыт, береке, бірлік, бейбіт өмір тілейміз! Наурыз құтты болсын!!!
Шерзод ПУЛАТОВ,
Астана қаласы өзбек этномәдени орталығының төрағасы, ҚХА Ғылыми-сарапшылық кеңесінің мүшесі