Aқша бопсалап келген азамат ұсталды
<p style="text-align: justify;">Қызылордада өзін мемлекеттік қызметкер ретінде таныстырып ақша бопсалап келген азамат ұсталды.<br /> </p>
«Дәндеген қарсақ құлағымен ін қазады» деген сөз бар. Ол бір мекеме басшысына қоқан-лоққы жасаған сәтінде қолға түскен.
«Одан 300 мың теңге көлемінде ақша талап еткен. Полицияға одан бөлек тағы екі шағым түскен. Полиция қызметкерлерінің жүргізген жедел іздестіру жұмыстарының нәтижесінде күдікті тұлға анықталды», - деді Қызылорда облыстық полиция департаменті баспасөз қызметінің басшысы Гүлжаһан Қайырбергенова.
Бүгінгі күні аталған дерек бойынша ҚР Қылмыстық кодексінің 190-бабы 1-бөлігімен сотқа дейінгі тергеу жүргізілуде. Күдіктіден жауап алу барысында ол өзінің кінәсін толығымен мойындаған. Қазіргі таңда күдіктінің басқа да қылмыстарға қатыстылығын анықталу үстінде.
Бақтияр ТАЙЖАН,
«Egemen Qazaqstan»
Қызылорда облысы