Республикамыздың батысы мен оңтүстігінде найзағай мен өткінші жаңбыр күтіледі

Казгидромед 2019 жылғы 11-13 сәуірге арналған ауа райы болжамын ұсынады.

Бұрыңғыдай республикамыздың оңтүстік және оңтүстік-шығысында атмосфералық фронттар кей жерлерде найзағаймен жаңбыр тудыратын болады. Ресейдің Еуропалық бөлігінен батыс облыстарына атмосфералық фронттар жылжуын бастап, онымен 12 сәуірде кей жерлерде жаңбыр күтіледі. Ал Қазақстанның қалған аймақтарында осымен бірнеше күн жауын-шашынсыз жылы ауа райын ұстап тұрған антициклон өз ықпалын сақтап тұрады. Алдағы үш тәулікте ауа температурасы орташа көп жылдық мәннен 3…6°С жоғары күтіледі.