Руханият
1 мин оқу 1,080
Қарағандының симфониялық оркестріне Еркеғали Рахмадиевтің есімі берілді
Қарағанды облыстық Қали Байжанов атындағы концерттік бірлестіктің симфониялық оркестрі биылғы маусымның соңғы концертін КСРО Халық әртісі, Қазақстанның Еңбек Ері Еркеғали Рахмадиевті еске алуға және симфониялық оркестрге салтанатты түрде оның есімін беру рәсіміне арнады.
«Шалқыма» концерт залында өткен тағылымды кешке халықаралық ТҮРКСОЙ ұйымының Бас хатшысы Дүйсен Қасейінов, Мәдениет және спорт министрі Арыстанбек Мұхамедиұлы арнайы келіп, қарағандылық өнерсүйер қауымды айтулы оқиғамен құттықтады.
Концерт барысында Қарағанды облысының әкімі Ерлан Қошанов дирижер Петр Грибановқа оркестрге Еркеғали Рахмадиевтің есімін беру туралы куәлікті табыс етті.
Бөлісу: