Садриддин Ахмедов 90 секундта жеңіске жетті

Қазақстандық боксшы Садриддин Ахмедов кәсіби мансабында тоғызыншы жекпе-жегін өткізді. Бұл туралы Sports.kz хабарлады.

Тетфор Минде (Канада) өткен бокс кешінде 21 жастағы қазақстандық боксшы рингте мексикалық Даниэль Вега Котамен (14-3-1, 11 КО) кездесті. Ойынның 90 секундында Садриддин қарсыласын техникалық нокаутпен жеңді. Бұл Ахмедовтің кәсіпқой рингтегі тоғызыншы жеңісі, соның ішінде сегізін мерзімінен бұрын аяқтаған. Ал Кота мансабында төртінші рет жеңілді.

Еске сала кетейік, Садриддин Ахмедов әуесқой бокста жастар арасындағы Әлем чемпионы атағын жеңіп алған. Кәсіпқой бокста екі титул - бірінші орта салмақтағы WBC «жастар» белбеуін және осы дивизионда WBC Asia белбеуін иеленді.