Киіз үйдегі жылжымалы кітапхана

Жалпы, облыста 145 мың баланы жазғы демалыспен қамту қызу жү­ріп жатыр. Демалыс ай­мақтарындағы лагерьлерден бөлек, жалпы білім беру мектептерінің базасында және шатырлы лагерьлерде 96 мың оқушы тынығады. 39 мыңнан астам бала ата-аналарымен бірге басқа аймақтағы сауықтыру орта­лық­тарында ем-дом алса, әлеуметтік жағынан аз қамтамасыз етілген отба­сылардың 26 мың баласы жазғы лагерьде 100 пайыз қамтылады.

Әрине, тынығу лагерь­лерінің барлығы талапқа сай деуге болмайды. Біра­зының ғимараты ескі, штат жетіспеушілігі бар. Басқа да шешімін күткен өзекті мәселелер жеткілікті. Бі­лім басқармасы осы ол­қы­­лықтарды жою үшін жұ­мыс істеп жатыр.

Лагерьдегі демалыс суға түсу, күнге қыздырыну, түр­лі үйірмелерге қатысумен біт­­­пейді. Адамның ең үл­кен серігі әрі ақылшысы – кітап. Кей жерлерде ты­нығу орындарының сыйым­ды-л­ы­ғына қарай киіз үй­лер­де жылжымалы кітап­хана орналасыпты. Яғни, балалар тынығумен қатар, білім қорын да молайтып қайтады.

Қызылорда облысы