Алматыда бос жұмыс орындарының жәрмеңкесі өтті

Алматыда Оқушылар сарайында Медеу ауданы әкімдігінің ұйымдастыруымен бос жұмыс орындарының жәрмеңкесі өтіп, алпысқа жуық компаниялар қатысты.

Төрт жүзден астам бос жұмыс орындарының қатарында мұғалім, дәрігер, бухгалтер, заңгер, аспаз, жүргізуші, дәнекерлеуші сияқты мамандықтар бар.

Жәрмеңкеде «Жұмыспен қамту орталығының» мамандары жұмыс іздеушілердің сұрақтарына жауап беріп, кеңестер берді. Ұйымдастырушылардың айтуынша, мұндай жәрмеңкелердің тиімділігі жоғары. Бұл жерде нақты бір компания мен жұмыс іздеушінің байланыста болуы, алдағы уақытта да жұмыс болмаған жағдайда бос орындары туралы ақпарат алмасуына мүмкіндік мол.