Қарағандының тұрғыны киік етімен қолға түсті
<p>Қарағанды облыстық табиғатты қорғау полициясының қызметкерлері заңсыз киік аулауды анықтау және оның жолын кесу бойынша жүргізілген іс-шаралар барысында Сәтбаев қаласының аумағындағы «Жезқазған-Есіл-Петропавл» тас жолында «Тайота-Сюрф» маркалы автокөлікті тоқтатып, тексеру жүргізген.</p> <p> </p>
Тексеру нәтижесінде аталған автокөліктің жүк салғышынан екі целлофан пакетке салынған ет тәркіленді. Көлік жүргізушісі – Қарағанды қаласының 47 жасар тұрғыны табылған еттің киік еті екенін және оны белгісіз азаматтан сатып алғандығы туралы түсініктеме берді.
Аталған факт Қазақстан Республикасы Қылмыстық Кодексінің 339-бабы бойынша тіркелді (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу).
Қазіргі уақытта тиісті сараптамалар тағайындалып, тергеу амалдары жүргізілуде.
Қарағанды облысы