Нұрлан Нығматулин Твиттерде парақша ашты
<p style="text-align: justify;">Парламент Мәжілісінің төрағасы Нұрлан Нығматулин Твиттерде парақша ашты. Бұл туралы Парламент Мәжілісі Аппаратының баспасөз қызметі хабарлады.</p>
«Құрметті достар! Бүгін Твиттерде өз парақшамды аштым. Енді сіздермен елдегі маңызды мәселелер бойынша тұрақты және жиі пікір алмасатын боламыз», - деді Нығматулин.
Н.Нығматулин өзінің Twitter қолданушыларына арналған бейнежазбасында оның қол жетімді, заманға сай байланыс құралы екенін айтты. Сонымен бірге:
- Ол әрбір азаматпен тікелей байланысып, жедел ұсыныс-пікір алмасуға мүмкіндік береді. Бұл ортақ мақсат жолында, бірлесе жұмыс істеуге кең жол ашады деп ойлаймын. Сондықтан, алдағы уақытта осы парақшамда Мәжілістегі маңызды жаңалықтармен бөлісіп отыратын боламын,-деді Мәжіліс Спикері.