Қарағандыда 14-ші өрт сөндіру бекеті ашылды
<p style="text-align: justify;">Қарағанды облысындағы Нұ­ра ауданының Қайнар ауылын­да жаңа өрт сөндіру бекеті ашылды. Мұндағы өрт сөндірушілер аталған ауыл мен жақын маңда­ғы елді мекендерге қызмет көрсе­тетін болады. Қазіргі таңда Қай­нар ауылында барлығы 204 түтін бар, онда 1164 адам мекен етеді.</p>
Бұған дейін мұндай бекеттер Шет, Жаңаарқа, Бұқар жырау, Осакаров, Нұра, Абай, Қарқаралы және Ұлытау аудандарында ашылған-ды. Олар жалпы саны 23 мың адамнан асатын 28 елді мекеннің өрт қауіпсіздігін сақтайды.
Жалпы, өрт сөндіру бекеттері жергілікті атқарушы органдардың қолдауымен ашылады. Ал Қарағанды облыстық төтенше жағдайлар департаменті оларды қажетті техникамен қамтамасыз етеді. Соңғы уақыттың өзінде аталған бекеттерге алты өрт сөндіру автотехникасы берілген.
Қазіргі уақытта Жаңаарқа және Қарқаралы аудандары әкімдіктерінің балансына өрт сөндіру көлігінің тағы екеуін беру мәселесі қарастырылуда. Жыл соңына дейін Шет, Осакаров, Нұра, Абай және Ұлытау аудандарында да бес өрт сөндіру бекетін ашу жоспарда бар.
Айта кету керек, Қайнар ауылында ашылған бұл нысан өңірдегі 14-ші өрт сөндіру бекеті.
Қарағанды облысы,
Нұра ауданы