Кітап оқып, рухани бай бол
<p style="text-align: justify;">Шымкенттегі «Рухани жаңғыру» жобалық кеңсесі және «Отырар» ғылыми-әмбебап кітапханасының ұйымдастыруымен «Кітап оқып, рухани бай бол!» байқауы жарияланды. Кітап оқушылар сайысы 15 қазаннан басталып, екі кезең бойынша өткізілмек.</p>
Әуелі, І кезеңде қатысушылар әдеби шығармадан үзіндіні мәнерлеп оқуы қажет. Оны Facebook және Instagram әлеуметтік желілерінде эстафета форматында жолдайды. Сондай-ақ эстафетаны Шымкент қаласы «Рухани жаңғыру» жобалық кеңсесінің аккаунттары мен «Рухани жаңғыру» бағдарламасының ресми аккаунтын белгілеп, #shymkent #RuhaniJangyry #KitapOqypRuhaniBaiBol хештэгтері арқылы жариялауы тиіс.
Ал ІІ кезеңде әлеуметтік желілерде көп лайк жинап, репостарға ие болған үздік 10 қатысушы келесі кезеңге жолдама алады. Бұл кезеңде қатысушылар арасында әдеби шығарма желісінде дебат өтеді. Арнайы тағайындалған қазылар алқасы үздік шыққан жеңімпаздарды анықтайды. Байқауға қатысушыларға арнайы сыйлықтар беріледі.
Жоба авторларының айтуынша, байқау өскелең ұрпақтың танымын кеңейтіп, өресін биіктету мақсатында өткізіліп отыр.