Ақтауда терроризмге қарсы оқу-жаттығу өтті
<p style="text-align: justify;">Ақтауда Терроризмге қарсы күрес жөніндегі Маңғыстау облыстық жедел штабымен Ақтау халықаралық әуежайында «Дабыл-Антитеррор-2019» жедел-тактикалық оқу-жаттығу өткізілді. Бұл туралы Маңғыстау облысы Полиция департаменті баспасөз қызметі хабарлады.</p>
Іс-шараның мақсаты - объектідегі террористік көріністерге шұғыл әрекет ету, террористік іс-әрекетті анықтау және жолын кесу, террористік тұрғыдан осал объектілердің терроризмге қарсы қорғалу деңгейін арттыру, әлсіз орындарды анықтау, сондай-ақ объектідегі күзет қызметін жүзеге асыратын субъектілердің басшылары мен қызметкерлерінің кәсіби дағдыларын жетілдіру және мемлекеттік органдар құралдары күштерінің бірлескен іс-қимылдарын практикалық пысықтау.
Оқу-жаттығудың мақсаты мен міндеттері толық көлемде орындалды. Жұмылдырылған мемлекеттік органдардың күштері мен құралдары террористік қатерлердің жолын кесу бойынша өзара іс-қимылдың жоғары деңгейін көрсетті.
Маңғыстау облысы