Оқушылар үшін әскери бөлімде «Ашық есік» күні өтті
<p style="text-align: justify;">Республикалық «Ел тірегі-2019» акциясының аясында «Батыс» өңірлік қолбасшылығының Атырау гарнизонында Қорғаныс істері жөніндегі Деартаментімен бірлескен «Қазақстан әскеріндегі бір күн» форматындағы ашық есік күні өтті. Бұл туралы аталмыш Қолбасшылықтың баспасөз қызметінен капитан Р.Игисинов хабарлады.</p>
Іс-шарада 500-ге жуық жоғары сынып оқушылары мен колледж студенттері, сонымен қоса Х.Досмұханбетов атындағы Атырау мемлекеттік университетінің әскери кафедра тыңдаушылары қатысты. Құрметті қонақ ретінде Қарулы Күштердің ардегерлері шақырылды.
Әскери-патриоттық тәрбие беру – жастарға өз елі мен Отанын сүюге үйрететін, оларды адалдыққа тәрбиелеудегі басым бағыттардың бірі болып табылады.
Гарнизонда ұйымдастырылған шара аясында балалар әскери өмірді көріп, әскери киім үлгілерімен, әскери техника және қару-жарақ түрлерімен танысты. Әскери бөлімнің офицер-тәрбиешілері әскери өмір мен тәртіп туралы, сондай-ақ әскери қызметтің, жауынгерлік және оқу-жауынгерлік тапсырмалардың өту тәртібі туралы айтып түсіндірді.
Оқушылар қолма-қол ұрыс көріністерін тамашалап, қызығушылық танытқандар әскериленген эстафетаға қатысуға мүмкіндік алды. Эстафета жеңімпаздары «Батыс» өңірлік қолбасшылығы атынан алғыс хаттармен марапатталды.
Маңғыстау облысы