iKOMEK 109 – СМС арқылы жаңа сервис іске қосылды
<p style="text-align: justify;">iKOMEK 109 елорда тұр­ғындарын СМС-хабар­ландыру бойынша жаңа сервисті іске қосты. Нұр-Сұлтан қаласы әкімдігінің iKOMEK 109 «Қалалық мониторинг және жедел әрекет ету орталығының» PR-қызметінің хабарлауынша, аталған орталық елорда тұрғындарымен және қонақтарымен кері байланыс сервисін жақсарту мақсатында Бірыңғай байланыс орталығына 109 қысқа нөмірі арқылы беріл­ген өтініштер бо­йынша СМС-хабар­ландыру қызметін іске қосады. </p>
Бұл СМС-хабарландырулар тұрғындарды өтініштердің орындалу дәрежесі туралы уақытылы хабардар етуге мүмкіндік береді. Өтініштің атқарылу дәрежесін егжей-тегжейлі қарау үшін қаланың iKOMEK.city порталына өту қажет. Өтініш шешімімен танысқаннан кейін тұрғынға пікір қалдырып, орындалған жұмыстар сапасын бағалау ұсынылады.
Сонымен қатар әрбір өтінішке кіру коды келеді, ол уақыт өте келе өтініштің орындалу дәрежесін қайта қарауға мүмкіндік береді. Бұл үшін портал арқылы өтініштің SD мен кіру кодын енгізіп, атқарылу дәрежесін тексеру қажет. Осы жаңашылдық 109 қысқа нөміріне ұялы телефоннан қоңырау шалу арқылы өтініш беруді жөн көретін тұрғындарға өтініш бойынша шешіммен онлайн режімде танысуға мүмкіндік ұсынады.
Естеріңізге сала кетейік, өтінішті балама көздер (WhatsApp және Telegram чат-боттары, iKOMEK 109 мобильді қосымшасы немесе елорда әкімдігінің сайты) арқылы берген жағдайда өтініштің орындалу дәрежесі туралы хабарландыруларды тұрғындар автоматты түрде алады.