Атыраулық дәрігерлер Алматыда БЦСА балалардың жұлынына бірегей ота жасады
<p style="text-align: justify;">БЦСА (балалар церебрал сал ауруы) дертіне шалдыққан бес атыраулық балаға ота жасалуын және олардың әрі қарай оңалуын "Милосердие" қайырымдылық қоры ұйымдастырды. </p>
Израилден шақырылған нейрохирург Алматыдағы клиникалардың бірінде қазақстандық әріптестеріне шеберлік сыныбын өткізді. 8 бен 15 жас аралығындағы балалардың жұлынына ота жасалды. Ота барысында израилдік дәрігердің ассистенті – Атырау облыстық балалар ауруханасының нейрохирургы – Арипов Шадиор болды. Әр отаның ұзақтығы сегіз сағатқа дейін созылды.
- Барлық оталар сәтті өтті. Отадан соңғы оңалу жеті күнге созылды. 9 желтоқсанда біз Атырауға қайттық, - деді Шадиор Арипов.
Балалар облыстық балалар ауруханасы базасында қалыпқа келу емі кезеңінен өтетін болады. Жергілікті дәрігерлерге алматылық мамандар – "АРДИ" оңалту орталығының дәрігерлері жәрдемдеседі. Олар облыстық балалар ауруханасының дәрігерлерін бірегей емдік денешынықтыру әдістеріне үйретеді.
АТЫРАУ