Міндеттер жүктеп, тапсырмалар берді

Президент Нұрсұлтан Назарбаев Экономикалық қылмысқа және сыбайлас жемқорлыққа қарсы күрес агенттігінің төрағасы Рашид Түсіпбековті қабылдады, деп хабарлады Елбасының баспасөз қызметі.

Р.Түсіпбеков бірінші жартыжылдық қорытын­дылары бойынша қаржы полициясы органдарының жедел-қызмет жұмысының нәтижесі және ел на­зарындағы бірқатар істердің тергелу барысы туралы баяндады.

Агенттік төрағасы сыбайлас құқық бұзушылықты ашу 8 пайызға артқаны туралы да хабардар етті. 2013 жылдың алты айында мұндай қылмыстың 1192 фактісі анықталды.

Кездесу қорытындысында Мемлекет басшысы Агенттік алдына бірқатар міндеттер қойып, қаралған мәселелер бойынша нақты тапсырмалар берді.