Пойызда дүниеге келді
<p style="text-align: justify;">«Өскемен – Алматы» ба­­ғыты бойынша қа­ты­найтын №351 жолаушылар пойызында нәресте дүниеге келді. Виктория Марочкина бойы 46 см, ал салмағы 2,7 кило ұл баланы жа­рық дүниеге әкелді.</p>
Сапар барысында жолаушы толғата бастаған соң, пойыз басшысы жақын маңда орналасқан Жарма стансасына жедел жәрдем шақыртты. Бірақ Виктория Марочкина стансаға жетпей, жолсеріктер мен пойызда жол жүріп келе жатқан дәрігердің көмегімен аман-есен босанды. Балаға Матвей деген есім беріліп, анасымен бірге Жармадағы перинаталды орталыққа жеткізілді.
Ал нәрестенің әкесі Валера телефон арқылы осы қуанышты жағдайға атсалысқан барша азаматтарға өзінің шексіз алғысын білдірді.
Ұлттық тасымалдаушы ана мен балаға зор денсаулық тілейді.