Ақтөбелік хоккейшілер қар құрсауынан құтқарылды
<p style="text-align: justify;"><span class="s6"><span class="bumpedFont15">Солтүстік Қазақстан облысының батыс шекарасын басып</span></span><span class="s6"><span class="bumpedFont15">, </span></span><span class="s6"><span class="bumpedFont15">Ақтөбе облысының хоккей командасын алып бара жатқан</span></span> <span class="s6"><span class="bumpedFont15">«Neoplan» </span></span><span class="s6"><span class="bumpedFont15">атты </span></span><span class="s6"><span class="bumpedFont15">автобус</span></span> <span class="s6"><span class="bumpedFont15">«Тимирязев-Сарыкөл» тас жолының 18 шақырымында </span></span><span class="s6"><span class="bumpedFont15">биік жолдан т</span></span><span class="s6"><span class="bumpedFont15">айып</span></span><span class="s6"><span class="bumpedFont15"> кетіп, </span></span><span class="s6"><span class="bumpedFont15">6 сағат бойы қар құрсауында</span></span><span class="s6"><span class="bumpedFont15"> қалған. Автобуста команданың барлық </span></span><span class="s6"><span class="bumpedFont15">28 хоккейші</span></span><span class="s6"><span class="bumpedFont15">сі болған.</span></span><span class="s6"><span class="bumpedFont15">Жүргізуші </span></span><span class="s6"><span class="bumpedFont15">биік </span></span><span class="s6"><span class="bumpedFont15">қар атжалдарынан айналып өтпек болғанда жолдан түсіп кеткен екен.</span></span></p>
Полицияның кезекші бөліміне түскен дабылдан оқиға орнына «ҚазАвтоЖол» ҰК АҚ 2 арнайы техникасы, аудандық полиция бөлімінің аға инспекторы, полиция аға лейтенанты Дәулет Сауыт суыт жетеді. Көп ұзамай оларға Төтенше жағдайлар қызметкерлері мен аудан әкімінің орынбасары Азамат Ысқақов және т.б. қосылады.
Жолды жауып қалған қалың қардан автобусқа жету үшін бірнеше сағат кетеді. Алайда хоккейшілер отырған автобус от алып тұрғандықтан пеші жақсы істеп, салонда ұзақ уақыт болса да жолаушылар суыққа шалдықпаған. Аудандық полиция бөлімінің кезекші бөлімі де жүргізушімен байланысты тоқтатпаған.
Таңертеңнен күндізгі сағат 12-ге дейін тұрған автобусқа қар тазалаушы техника зорға жетіп, ақтөбелік спортшылар қар құрсауынан аман-есен құтқарылды. Алдымен олар аудан орталығы Тимирязево селосына жеткізіліп, тамақтандырылды. Осыдан кейін олар Петропавл қаласына аттанады. Құтқару жұмыстарында негізгі белсенділік полиция қызметінің тарапынан болғанын атап өту керек.