«Әлем үздігі» атағынан үміткер
<p style="text-align: justify;">Жуырда Нұр-Сұлтан қала­сында өткен «IESO-2020» халы­қаралық олимпиадасының ірік­­теу кезеңінде Қызылорда қала­сындағы Назарбаев зият­керлік мектебінің 11-сынып оқу­шысы Әлішер Алтынбасов геологиядан жоғары нәтиже көрсетіп, олимпиаданың ІІ орын иегері атанды. Енді ол жазғы демалыста Ресей Федерациясының Түмен қаласында өтетін білім бай­қауында ел намысын қор­ғайтын болады.</p> <p style="text-align: justify;"> </p>
Ел астанасында өткен сайыста Әлішермен бірге осы мектепте оқитын Гүлдана Сәбитова мен Нұрдәулет Қонысбаев жер туралы ғылым бойынша үздік білімдерімен ерекшеленіп, ІІ және ІІІ орындардан көрінді.
– Барлық тапсырмалар ағылшын тілінде болды. Олимпиадада біз Назарбаев Университетінің ғалымдарымен кездесіп, кәсіби бағдар алдық. Болашақта өмірімді геологиямен байланыстырғым келеді, – дейді олимпиада жеңімпазы.
Байқауға ел өңірлерінен 100-ге жуық оқушы жиналыпты. Олар геология, геофизика, метеорология, мұхиттану және астрономия пәндерінен күрделі тапсырмалар орындады. Бірінші орындарды иеленген дарындылардан Қазақстан құрамасы жасақталып, халықаралық сайыста ел намысын қорғайтын болады.
IESO – әлемдегі ең беделді олимпиаданың бірі. Осыған дейін Корея, Италия, Испания, Бразилия, Жапония және Францияда өткен білім сайысы биыл Ресейде ұйымдастырылады.
ҚЫЗЫЛОРДА