Кейбір облыс мұғалімдері 130 құжат толтыруға міндеттелген - А. Аймағамбетов
<p style="text-align: justify;">Мұғалімдерді қағазбасты жұмысқа салғандарға айыппұл салынады. Бұл туралы Білім және ғылым министрі Асхат Аймағамбетов «Qazaqstan» телеарнасындағы «Ашық алаң» бағдарламасында айтты.</p>
«Педагог мәртебесі туралы» заңда тиісті нормалар бар. Біріншіден, 20-120 АЕК аралығында айыппұл салу қарастырылған. Екіншіден, біз алғаш рет мұғалімдер қандай құжаттарды толтыру керек деген сұраққа жауап бердік», - деді министр.
Оның айтуынша, Қазақстан унитарлы мемлекет болғанымен, бір заңға бағынғанымен, өңірлердегі жағдай назар аударуды қажет етеді.
«Бір облысты тексердік. Онда мұғалімге 130 құжат тексерту міндеттелген екен. Ең қынжылтатыны - ұстаздар сол құжаттарды, қаншама есептерді толтырады, бірақ бұл құжат, есептер ешкімге керек емес», - деді А.Аймағамбетов.
Сондай-ақ министр ендігіде мұғалімдер нақты бес құжат қана толтыратынын айтты.
«Қазіргі уақытта біз тиісті тізімді дайындадық. Сол тізім бойынша пән мұғалімі нақты бес құжат қана толтырады», - деді ол.