Ақтоты Райымқұлова Элизабет Тұрсынбаеваны туған күнімен құттықтады

<p style="text-align: justify;">Қазақстан Республикасының Мәдениет және спорт министрі Ақтоты Райымқұлова мәнерлеп сырғанаушы Элизабет Тұрсынбаеваны туған күнімен құттықтады. Бұл туралы Мәдениет және спорт министрлігінің баспасөз қызметі хабарлады.</p>

Кездесуге Мәдениет және спорт министрлігі Спорт және дене шынықтыру істері агенттігінің төрағасы Серік Сәпиев және спортшының әкесі Байтақ Тұрсынбаев қатысты.

Министр өз кезегінде Элизабетке жастар арасында салауатты өмір салтын насихаттап, еліміздің абыройын байрақты бәсекелерде лайықты қорғап жүргеніне алғыс айтты. Сондай-ақ алдағы додаларға сәттілік тіледі.