Ауыр атлетика: Нұрғиса – алтын, Есенкелді – қола алды
<p style="text-align: justify;">Ауыр атлетикадан Ташкентте өтіп жатқан жастар мен жасөспірімдер арасындағы Азия біріншілігінде Қазақстан құрамасы бүгін де өз жанкүйерлерін қуантты.</p>
89 кило салмақ дәрежесінде өнер көрсеткен Есенкелді Сәпи қоссайыстың қорытындысы бойынша 311 (134+177) килолық көрсеткішпен қола медальді иеленді. Қандасымыз тек Өзбекстанның қос өрені – Сарварбек Зафарджонов және Мұхамадқадыр Тоштемировтен ғана қалып қойды.
89 кило салмақта күш сынасқан Нұрғиса Әділетұлының табысы тіптен толағай болды. Өзінің басты қарсыласы – Оңтүстік Кореяның оғланы Енг Хуннан 36 кило салмақты артық еңсерген қазақтың жас перісі алтын тұғырдан қол бұлғады. Нұрисаның көрсеткіші – 360 (165+195) кило. Үшінші орынға Өзбекстанның өкілі – Хакимжон Шамшитдинов табан тіреді.