Семейде студенттер жатақханасы өртенді
<p>Семей қаласындағы жоғары оқу орны жатақханаларының бірінде өрт шықты. Бұл туралы Семей қаласының ТЖБ баспасөз қызметі хабарлады.</p>
Қалалық Төтенше жағдайлар басқармасының мәліметіне сәйкес, оқиға бүгін сағат 13:00 шамасында Физкультурная көшесінде болған. Өрт жатақхананың 6-қабатында шыққан. Жиһаз бен төсек-орынды шарпыған қызыл жалынның жалпы аумағы 10 шаршы метр болған. Ғимараттағы 80 адам өрт тұтана салысымен сыртқа шыққан.
- Адамдарды эвакуациялауға көмектесіп жүріп, ащы газ иісін көп жұтып қойған 1972 жылғы күзетші уланып, ауруханаға жеткізілді. Тілсіз жауды ауыздықтауға 30 өрт сөндіруші мен 6 автоцистерна жұмылдырылды. Жалын сағат 13:31-де толықтай өшірілді. Алдын ала болжам бойынша өрттің шығуына отты абайсыз пайдалану немесе электр жабдықтарының апаттық жағдайда болуы себеп болуы мүмкін, - делінген хабарламада.