Семейлік жастар өлкетанушы Клим Төлемісұлымен кездесті
<p style="text-align: justify;">Семей Жобалық Кеңсесінде өлкетанушы, шежіреші Клим Төлемісұлымен «Өнегелі тұлға» тақырыбында кездесу өтті. М.Қозыбаев атындағы ғылыми-зерттеу орталығымен бірлескен мазмұнды шара «Рухани жаңғыру» бағдарламасы аясында жүзеге асырылды.</p>
82 жастағы өлкетанушы бар ғұмырын Семейге қарасты Шұбартау өңірінің танымал тұлғалары мен тарихын зерттеуге арнаған. Өлке тарихынан сыр шертетін замана деректері - аса құнды таптырмас құжаттар қорына жатады.
Зерттеу жұмыстары өңірдегі архив қорларын қарастырумен шектелмеген. Моңғолия, Қытай мемлекеттерінде болып, сол елдердегі қазақ диаспорасымен тығыз қарым-қатынас орнатып, тұрмыс-тіршілігі, мәдениеті туралы әсіресе, керей руына қатысты қорын қызықты құжаттармен толықтыра түскен. Клим Төлемісұлының жазған, жинаған деректері тарихтың құнды құжаттары. Құжаттар бүгін үшін де, келешек үшін қызмет етері сөзсіз.