Қазақстан халқы Ассамблеясының құттықтауы!
<p style="text-align: center;"><strong>Құрметті әйелдер қауымы!</strong></p> <p style="text-align: justify;">Сіздерді Қазақстан халқы Ассамблеясы көктем­нің шуақ­ты мерекесі – Халық­ара­лық әйелдер күнімен құт­тықтайды!</p> <p style="text-align: justify;"> </p>
Қазақстан қоғамында бұл мерекенің мызғымас рухани негізі бар, елімізде әйелдерге бүкілхалықтық құрмет пен аналарды ардақтаудың сан ғасырлық дәстүрі қалыптасқан.
Бүгінгі таңда Қазақстан әйелдері қоғамдық өмірдің барлық салаларында – саясатта, экономикада, ғылымда, мәдениет пен білім беру саласында маңызды жасампаз рөл атқарады.
Сіздердің әлеуметтік белсенділіктеріңіздің артуы, шығармашылық және зияткерлік әлеуеттеріңіздің толық ашылуы – ел табысының басты шарттарының бірі.
Халықаралық әйелдер күні – біздің баршамыз үшін қастерлі де айрықша мереке.
Татулық пен бірліктің, жарқын болашаққа деген сенімнің, ізгілік пен мейірімділіктің ұйытқысы – әйел-ана үшін бұл мерекенің орны ерекше.
Құрметті әйелдер!
8 наурыз – сұлулық пен әсемдік мерекесі. Сіздер өмірге сән беріп, мейірім төгіп, шуақ шашып, еліміздің болашағы – өскелең ұрпақтың бойына асыл қасиеттерді дарытасыздар.
Осы шұғылалы мерекені көтеріңкі көңіл күймен, жақсы көретін жандарыңыз бен бақытты балаларыңыздың, адал достарыңыз бен құрбыларыңыздың ортасында қарсы алуға шын жүректен тілектеспіз.
Сіздерге мықты денсаулық, отбасыларыңызға құт-береке, бақыт және амандық тілейміз.
Мереке құтты болсын, қымбатты әйелдер!