Бейбітшілік сыйлығы тапсырылды
<p style="text-align: justify;">Исламды зерттеу институты Кеңесінің атынан (Пәкістан, Исламабад) Қазақстан Республикасы Парламенті Сенатының Төрағасы Дариға Назарбаеваға «Paigham-e Pakistan» 2020 сыйлығы табыс етілді.</p>
Сыйлық Қазақстан қоғамындағы ұлттық ынтымақты, тұтастық пен әлеуметтік әділдікті нығайтуға сіңірген еңбегі үшін Дариға Назарбаеваға беріліп отыр.
«Бұл марапат дінаралық және өркениетаралық диалогты ілгерілету ісіндегі және Әлемдік және дәстүрлі діндер лидерлері съезін өткізудегі күш-жігері мойындалуының белгісі ретінде беріледі», – делінген Исламды зерттеу институты Кеңесінің хатында.
Paigham-e-Pakistan – зорлық-зомбылыққа, экстремизм мен лаңкестікке қарсы пәтуа. Оны исламның бүкіл мектептеріндегі 5000-нан астам ғалым қол қойып, қабылдаған болатын, деп хабарлады Сенаттың баспасөз қызметі.
