Көкшетауда заңсыз маска сатудың жолы кесілді

<p style="text-align: justify;">Облыс орталығында медициналық маскаларды қымбатқа сату дерегі тіркеліп, заңсыз бизнестің жолы кесілді. Ірі көлемдегі тауар Елордадан жеткізілген.  </p>

Ақмола облыстық экономикалық тергеу департаментінің шұғыл-іздестіру іс-шарасы барысында кәсіпкердің заңсыз әрекеті әшкереленді. Ол 10 мың дана медициналық масканы заңсыз сатқан. Еліміз бойынша тапшы тауар жоғары бағамен саудаланған. Бір данасы 140 теңгеден сатылды.

– Іс-шара барысында 10 мың дана көлеміндегі масканың Нұр-Сұлтан қаласынан әкелінгені анықталды. Тауар облыстық денсаулық сақтау басқармасына өткізіледі,–дейді облыстық экономикалық тергеу департаменті жетекшісінің орынбасары Мермухамет Скатов.