Атырауда №3 емхананың жұмыс істеу режимі өзгерді
<p style="text-align: justify;">Өңірлік коммуникациялар қызметінің хабарлауынша, бұған осы емханада жұмыс істейтін медициналық қызметкердің індетті жұқтыруы себеп болып отыр. Медбике 17 наурызда «Алматы-Атырау» бағытымен келген қыздан қан сынамасын алған. Бүгін оның коронавирус инфекциясын жұқтырғаны расталды. </p>
«Коронавирус жұқтырған науқаспен 27 байланысушының бар екендігі белгілі болды. Олардың барлығы оқшауланып, карантинге жатқызылды» -деп хабарлады өңірлік коммуникациялар қызметі.
Атырау облыстық денсаулық сақтау басқармасының хабарламасына сәйкес, енді №3 қалалық емхана 30 наурыздан қашықтан жұмыс істейтін болды. Медициналық мекемеге жаппай дезинфекциялау жұмыстары жүргізіледі.
Жұмасат ҒАЗИЗ