Атырау: Бүгін қалаға кіріп-шығуды шектеу күшіне енді
<p style="text-align: justify;">Атырау қаласының прокуроры Аршат Тайтуллиннің мәліметінше, карантин кезінде қоғамдық қауіпсіздікті, қала аумағындағы уақытша шектеулер талабының сақталуын қамтамасыз етуге 674 қызметкер жұмылды. Оның ішінде ішкі істер органдарының 500 қызметкері, Ұлттық ұланның 94 әскери қызметшісі, Қорғаныс министрлігінің 80 қызметкері бар. Сондай-ақ бұл шара үшін 68 автокөлік бөлінген.</p>
- Прокуратура жанынан құрылған мобильдік топтар қала аумағында төтенше жағдай режимін бұзу фактілерін анықтайтын болады. Осыған орай халықтың денсаулығы мен қауіпсіздігін қамтамасыз ету үшін тұрғындарды карантиннің барлық талабын сақтауға шақырамыз, - дейді Атырау қаласының прокуроры Аршат Тайтуллин.
Атырау қаласының 4 бағытына қойылған блок-бекеттің жұмысын үйлестіруге ішкі істер органдарынан – 48, Қорғаныс министрлігінен 56 қызметкер қатысуда. Олар 12 арнайы автокөлік пайдаланады.
Жұмасат ҒАЗИЗ