Біржан Нұрымбетов төтенше жағдай кезіндегі әлеуметтік көмектерді атады
<p style="text-align: justify;">Еңбек және халықты әлеуметтік қорғау министрі Біржан Нұрымбетов 42 500 теңгенің берілу тәртібін айтып берді.</p>
«42 500 теңге - мемлекеттік сақтандыру қорынан төленетін әлеуметтік төлем. Ол төтенше жағдай кезінде табысынан айырылғандарға беріледі. Ал басқа адамдарға зейнетақы мен жәрдемақылар уақытылы төленуде. Ай сайын 300 млрд теңгеге дейін төленіп жатыр. Сондай-ақ кәсіпкер азаматтарға Үкімет тарапынан салық, несиелер, коммуналдық шығындар жөнінде де көптеген жеңілдіктер қарастырылып жатыр», деді Біржан Нұрымбетов.
Сондай-ақ ол көпбалалы отбасылар мен аз қамтылған отбасыларға берілетін әлеуметтік көмектерді атап өтті.
«Аз қамтылған отбасылар, оның ішінде көпбалалы отбасылар да бар. Барлық мүгедек жандарға, олардың жасына және санатына қарамастан, сондай-ақ мүгедек баланы тәрбиелеп отырған ата-аналаға, ресми жұмыссыз ретінде тіркелген адамдарға Президент тапсырмасы бойынша мемлекеттік бюджет есебінен, «Biz Birgemiz» қоры есебінен және ел патриоттары есебінен азық-түлік жиынтығы мен ақшалай көмек көрсетіліп жатыр», деді министр.