Жыл басынан бері зейнетақы екі рет өсті
<p style="text-align: justify;">1 с<span lang="KZ">әуірден бастап Еңбек және халықты әлеуметтік қорғау министрлігі Мемле</span>кет басшысыны<span lang="KZ">ң биылғы </span>31 наурызда<span lang="KZ">ғы тапсырмасына сәйкес</span> <span lang="KZ">зейнетақылар мен мемлекеттік жәрдемақыларды жылдық тұрғыда </span>10%-<span lang="KZ">ға индексациялауды жүргізді. Осылайша 2020 жылдың 1 сәуірінен бастап зейнетақының ең төменгі мөлшері 40 441 теңгені құрады. </span></p>
Яғни осы жылы зейнетақы екі рет көтерілді. Қалай? Бұл туралы министрлік былайша түсіндірді:
♦ 2020 жылдың 1 қаңтарынан инфляцияның болжамды деңгейі ескеріле отырып, базалық зейнетақыға 5%, ал жасына және еңбек сіңірген жылдарына байланысты зейнетақы төлемдеріне 7% (инфляция деңгейінен 2%-ға артық) кезекті рет жыл сайынғы индексация жасалды.
♦ 2020 жылдың 1 сәуірінен жасына және еңбек сіңірген жылдарына байланысты зейнетақы төлемдері 2020 жылға дейін тағайындалғанымен қоса осы жылғы 1 қаңтар мен 31 наурызда бекітілген бөлігі 5%-ға жоғарылады.
√ Бірінші мысал: бір ер кісіге 18.11.2019 жылдан бері 43 000 теңге ынтымақты зейнетақы тағайындалды делік. Оның зейнетақысы жыл сайынғы қайта есептеу аясында 2020 жылдың 1 қаңтарынан 46 010 теңгені құраса, 1 сәуірден бастап аталған ынтымақты зейнетақы тағы 5% өсіп, 48 311 теңге болады (46 010+5%=48 311).
√ Екінші мысал: бір әйел адамға 12.03.2020 жылдан 52 000 теңге тағайындалды деп алайық. 1 сәуірден бастап 5% өсімді ескерсек, бұл ынтымақты зейнетақы 54 600 теңгеге жетті (52 000+5%=54 600).
Мемлекеттік базалық зейнетақы төлеміне келер болсақ, ол «Қазақстан Республикасындағы зейнетақымен қамсыздандыру туралы» заңының 4-бабына сай, 2020 жылдың 1 сәуірінен ең төменгі күнкөріс деңгейінің жаңа сомасы бойынша пайыздық мөлшерде айқындалады.
√ Мысалы, бір ер адамға 20.12.2019 жылдан бері 26 729 теңге немесе күнкөріс деңгейінен 90% базалық зейнетақы тағайындалды. 2020 жылдың 1 қаңтарынан оның мөлшері, күнкөріс деңгейінің жыл сайынғы өсімін назарға алсақ, 28 065 теңгені көрсетіп, 2020 жылдың 1 сәуірінен 29 402 теңгені құрады (яғни биылғы 1 сәуірден ең төменгі күнкөріс деңгейі 32 668 теңге болып бекітілді, оның 90%-ы=29 402).
Осы орайда, «2020 – 2022 жылдардағы республикалық бюджет туралы» заңына енгізілген өзгертулерге сәйкес, 1 сәуірден бастап ең төменгі зейнетақы мөлшері 40 411 теңге болды.
Тиісті қадамдар 2,2 миллионнан астам зейнеткерді қамтиды.