Ақпараттық стандарттарға ерекше назар

Кеше Қазақстан Республикасының Мемлекеттік хатшысы Марат Тәжин Көлік және коммуникациялар министрі Асқар Жұмағалиевті қабылдады, деп хабарлады Президенттің баспасөз қызметі.

Кездесу барысында А.Жұмағалиев азаматтық авиация саласында ұсынылатын қызметтердің сапасын арттыру жөнінде атқарылып жатқан жұмыстар туралы баяндады.

Марат Тәжин министрге әуежайлар мен әуе компанияларында жолаушыларға қызмет көрсетудің ақпараттық стандарттарын сақтау мәселелеріне ерекше назар аударуды тапсырды.