Рысбаев пен Артюхиннің төбелесін 3.2 миллион адам көрген
<p style="text-align: justify;"><span class="s2"><span class="bumpedFont15">Ресейдің Шайба.</span></span><span class="s2"><span class="bumpedFont15">kz </span></span><span class="s2"><span class="bumpedFont15">сайты </span></span><span class="s2"><span class="bumpedFont15">YouTube арнасынан </span></span><span class="s2"><span class="bumpedFont15">Құрлықтық хоккей лигасы (ҚХЛ) тарихындағы </span></span><span class="s2"><span class="bumpedFont15">көрермендердің </span></span><span class="s2"><span class="bumpedFont15">ең көп тамашалаған </span></span><span class="s2"><span class="bumpedFont15">көрністердің </span></span><span class="s2"><span class="bumpedFont15">тізімін жариялады.</span></span></p>
Айтулы рейтингте Дамир Рысбаев пен Евгений Артюхин арасындағы айқас үшінші орында тұр. Бұл – 2015 жылдың қарашасында Санкт-Петербург қаласында жергілікті СКА мен Нұр-Сұлтанның «Барыс» клубтары арасындағы бәсеке барысында орын алған оқиға. Сол кезде бойы 197 сантиметр, салмағы 120 килолық 32 жастағы еңгезердей ресейлік хоккейшімен қазақтың қайсар ұлы жекпе-жекке шықты. 19 жастағы Дамирдың бойы – 182 сантиметр, салмағы – 90 кило. Қарсыласы әлде қайда еңселі болғанына қарамастан Рысбаев одан еш қаймықпады. Қос дүлей бір-бірін ала алмайтынына анық көз жеткізгеннен соң төрешілер төбелесті тоқтатты. Рысбаев пен Артюхин арасындағы жекпе-жекті 3 миллион 200 мың адам тамашалаған екен.
Ал бұл рейтингте Павел Дацюк (3,5 миллиона) пен Никита Гусевтың (6,1 миллиона) буллит соққан сәттері көш бастап тұр.
Ал ҚХЛ-дағы тек қана төбелестерді есепке алсақ, одан Дамир Рысбаевтың алдын орайтын ешкім жоқ. Айтулы лигада небары 25 кездесу өткізген қандасымыз мұз айдынында небары 42 минут 2 секунд қана өнер көрсеткен екен. Есесіне оның айып уақыты 194 минутты құрайды.