Норман Хантер коронавирустан қайтыс болды
<p style="text-align: justify;"><span class="s2"><span class="bumpedFont15">Коронавирус дертіне шалдыққан кезіндегі Англияның атақты футболшысы </span></span><span class="s2"><span class="bumpedFont15">Норман Хантер </span></span><span class="s2"><span class="bumpedFont15">бір аптадай ауруханада жатып, кеше қайтыс болды. Ол </span></span><span class="s2"><span class="bumpedFont15">76</span></span><span class="s2"><span class="bumpedFont15"> жаста еді.</span></span></p>
Тұманды Альбион елінің өкілі бақандай 20 жыл бойы жасыл алаңда жасындай жарқырады. 1962-1982 жылдар аралығында «Лидс», «Бристоль Сити» және «Барнсли» клубтарында ойнады. Амплуасы – қорғаушы. Англия кубогы, Лига кубогы, Англия суперкубогы, Жәрменке кубогы секілді жарыстарда бас жүлдені олжалады.
Норман Хантер Англияның ұлттық құрама командасы сапында 1966 жылы әлем чемпионы атанса, 1968 жылы Еуропа біріншілігінің қола медалін жеңіп алды. Кейіннен бапкерлік қызмет атқарған Хантер журналистикада да бағын сынады.