Қиын кездегі қолдау ұмытыла қоймас
<p style="text-align: justify;">Жанды жадыратар жаңалық­тың көп болғанын қалайтын­дар­­дың бірімін. Сабыр сақтап, ер­­теңгі күнге сеніммен қарау, жақ­­­­сы­­­лықтан үміт үзбеу де бізге жігер береді. Балаларымыздың рия­­сыз күлкісі, алаңсыз ойыны да қуат береді. Оған қоса мемлекет тара­­пы­нан тиісті көмектерді алып жа­тыр­мыз. Отағасы да табыл­ған жұ­мыстан бас тартпай, от­басын та­рықтырмаудың қамымен жүр.</p>
Мысалы, 42 500 теңгені өтінім берген соң еш қиындықсыз көп кешіктірмей алдық. Одан бұрын Түркістан қаласы әкімдігінен азаматтар балаларға тиесілі кепілдендірілген әлеуметтік көмекті әкеліп берді. Ол азаматтарға да алғысымызды айттық, балалар да қуанып қалды. Мұндай көмектердің қиын кезде берілетін қолдау екенін жақсы түсінеміз, әрине. «Аштықта жеген құйқаның, дәмі ауыздан кетпес» деген бар емес пе. Сондықтан да Үкіметке, әкімдікке айтар алғысымыз шексіз.
Мөлдір ӨТЕГЕНОВА,
Түркістан қаласының тұрғыны