Байқоңыр: 33 әкімшілік іс қаралды
<p style="text-align: justify;">ҚР ІІМ Байқоңыр қаласындағы өкілдігі қызметкерлері қауіпсіздік шараларын қамтамасыз ету мақсатында «Батыс Еуропа – Батыс Қытай» тасжолына екі тосқауыл бекетін қойып, қалада карантиндік талаптардың сақталуын қадағалауда. Бұл туралы облыстық Полиция департаментінің баспасөз қызметі хабарлады.</p>
Алайда ескертуді елемейтіндер де көбейіп отыр, ғарышкерлер қаласында жүргізілген рейдтер төтенше жағдай талаптарын бұзудың 61 дерегін анықтады.
Соңғы тәулік ішінде 100-ге жуық мекеме мен ойын-сауық орындары тексеріліп, 8 құқық бұзушылық белгілі болған.
Қазіргі таңда орын алған 61 факті бойынша ҚР ӘҚБтК-нің 476-бабына сәйкес әкімшілік хаттамалар толтырылып, заңды шешім қабылдау үшін қалалық сотқа жолданып, 33 әкімшілік іс сотта онлайн-режимінде қаралды, онда 17 адамға айыппұл салынса, 16 тұрғын әкімшілік қамаққа алынған.