Батыс Қазақстан: Вирус жұқтырғандар Ресейде жұмыс істейді
<p style="text-align: justify;">Батыс Қазақстан облысында коронавирус инфекциясын жұқтырған 2 адам Ресей Федерациясында вахта әдісімен жұмыс істейді. </p> <p style="text-align: justify;"> </p>
Денсаулық сақтау министрлігі берген мәліметте анықталған науқастар 1964 және 1991 жылғы Түркістан облысының тұрғындары екені айтылған.
Ресей Федерациясымен шекарадағы Тасқала автоөткеліндегі санитарлық-карантиндік бекетте эпидемиолог мамандар азаматтарды байланыссыз термометриямен тексерген. Сауалнама кезінде денсаулыққа шағымдары болмаған. Алгоритмге сәйкес, СКП эпидемиологтары жедел жәрдем шақырып, оларды карантиндік стационарға жатқызған.
ПТР диагностикалық зерттеу екеуінен де COVID-19 диагнозын анықтады.
Науқастар облыстық жұқпалы аурулар ауруханасына орналастырылды. Олармен қарым-қатынаста болған адамдар анықталып, барлығы медициналық бақылауға алынды.
Облыста COVID-19 коронавирус инфекциясын жұқтырғандар саны 102 адамға жетті.