Су ресурстары комитетінің төрағасы лауазымынан босатылды
<p style="text-align: justify;">Экология, геология және табиғи ресурстар министрінің бұйрығымен Арман Алашұлы Тұрлыбек берген өтінішіне сәйкес ҚР ЭГТРМ Су ресурстары комитетінің төрағасы қызметінен босатылды. Бұл туралы Премьер-Министрдің баспасөз қызметі хабарлады.</p>
Арман Тұрлыбек 1971 жылы Қарағанды облысында дүниеге келген. Қазақ Мемлекеттік Басқару академиясын, Қазақстан-Ресей университетін, Алматы мемлекеттік энергетика және байланыс университетін тәмамдаған.
Түрлі жылдары Сәтпаев қаласы бірқатар коммерциялық құрылымында басшылық лауазымдар атқарған, Сәтпаев қалалық мәслихатында хатшы болған.
2000-2007 жылдары Сәтпаев қаласы әкімінің орынбасары қызметін атқарған.
2007 жылдан 2010 жыл аралығында Қарағанды облысы әкімдігінде басшылық қызметтерді атқарды, Премьер-Министрдің орынбасарының кеңесшісі болып тағайындалды.
2010 жылдан 2016 жыл аралығында Индустрия және инфрақұрылымдық даму министрлігінің құрылымында жұмыс істеді.
2016 жылдан 2019 жыл аралығында Астана (Нұр-Сұлтан) қаласы әкімінің аппаратында басшылық қызметтерді атқарды.
2019 жылдың шілде айынан қазірге дейін Экология, геология және табиғи ресурстар министрлігінің Су ресурстары комитетінің төрағасы болып жұмыс істеді.