Қолдауды сезінудеміз
<p style="text-align: justify;">Мемлекет басшысы Қ.Тоқаевтың бастамасымен қолға алынған «Біз біргеміз» акциясының аясында халықтың әлеуметтік әлсіз топтарына қолдау көрсетілуде. Аты жаман індеттің кезінде берілген бұл көмек өзіміз сынды аз қамтылған немесе әртүлі жағдайы бар отбасылар үшін шын мәнінде үлкен қолдау.</p>
Жасым 67-де, жүрек, қан қысымы және қант диабеті ауруларымен ауырамын. Өзім де, 70 жастағы отағасым да екінші топтағы мүгедектерміз, жолдасымның басына ота жасалған. Отбасында бес бала тәрбиелеп өсірген анамын, бірақ кенже қызым Әлия туабітті мүгедек. Ол биыл 33 жасқа толды. Қолымда немерем де бар, Nur Otan партиясының араласуымен оны балабақшаға орналастырдым.
Жуырда үйге бірінші кезектегі азық-түлік пен медициналық маскалар, антисептикалық құралдар әкеліп берді. Жақында жеке есепшотымызға 50 мың теңге қаржылай көмек түсті. Әлемде болып жатқан жаман індет елімізге келгені қынжылтады. Республика көлемінде карантин жарияланды. Қиындық – өтпелі, осы қиын кезде бір-бірімізге қолдау көрсетсек қана бұл жаман індеттен тез құтылатынымызға сенемін.
Қиын кезде халқына көмек қолын созған, қашанда қасымыздан табылған нұротандықтарға, жомарт жандарға үлкен рахмет. Халық үшін еңбек етіп жатқан жандарға Алла разы болсын. Бауыржан атамыз «Тәртіпке бас иген құл болмайды» дегендей, халыққа ережелерді сақтап отбасымыздың, ел-жұрттың амандығы үшін үйде отырайық дегім келеді. Қолымыздан келері және біздің елімізге көмегіміз сол болмақ.
Нұрсұлу ИДЕНОВА,
ІІ топтағы мүгедек
АҚТАУ