Қызылорда: Еріктілер көрші өңірге көмек ұйымдастыруда

<p style="text-align: justify;">Өзбекстандағы су қоймасының жарылуынан Түркістан облысы, Мақтарал ауданының бірқатар ауылы су астында қалғаны белгілі.</p>

Осыған байланысты Қызылорда облысында су тасқынынан зардап шеккен бауырларымызға гуманитарлық көмек көрсетуді ұйымдастыратын штаб құрылды.

Қазір медициналық құрал-жабдықтар, дәрі-дәрмек, киім-кешек, ұзақ сақталатын азық-түлік, гигиеналық заттар жинауды бастап кетті. Бір айта кетерлігі, көмек тек заттай жиналады. «Жастар орталығы» ғимаратынан ашылған пунктке әкелінген гуманитарлық көмектер әлеуметтік желіде жарияланады. Жиналған заттар арнайы автокөліктермен Мақтаралға жеткізіледі.