Әйелдер қауымының өкілдерімен кездесті
Қазақстан Республикасы Президентінің кеңесшісі, Президент жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Гүлшара Әбдіқалықова жақында Алматы қаласының әйелдер қауымы өкілдерімен кездесті.
Қазақстан Республикасы Президентінің кеңесшісі, Президент жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Гүлшара Әбдіқалықова жақында Алматы қаласының әйелдер қауымы өкілдерімен кездесті.
Кездесуде Қазақстан Республикасындағы Гендерлік теңдік стратегиясын іске асыру, әйелдер мен жастардың жұмыспен қамтылуы, ерте мәжбүрлі некелер, рухани-адамгершілік тәрбие, шағын және орта бизнес субъектілерін қолдау, олардың кәсіпкерлігін дамыту, отбасы институтын нығайту, барлық әлеуметтік ортадағы, соның ішінде отбасындағы зорлық-зомбылықты жою мәселелері талқыланды.
Еліміздің ірі мегаполисі – Алматыда 371 мыңнан аса әйел еңбек етуде, оның ішінде өнеркәсіп саласында 30 мыңға жуық, қаржы саласында 29 мыңнан астам, білім беру саласында 58 мыңнан астам, денсаулық сақтау және әлеуметтік қызмет көрсету салаларында 29 мыңнан астам әйел еңбек етуде. Үкіметтік емес ұйымдарда 150 мыңнан аса қызмет ететін нәзік жандылар бар.
Алматы қаласында биліктің шешім қабылдау деңгейіндегі әйелдер 22,6 пайызды құрайды. Міне, осы деректерден-ақ әйелдердің үлес салмағын анық көруге болады.
Кездесуде түйткілді мәселелерді шешудің жолдары қарастырылып, алдағы кезге міндеттер белгіленді.
«Егемен-ақпарат».