Павлодар облысында биыл 3770 оқушы мектеп бітіреді
<p style="text-align: justify;">Облыстық білім сапасын бақылау департаментінің мәлметінше, биыл облыс бойынша 3770 оқушы мектеп бітірмек. Олардың қатарында «Алтын белгіге» үміткер 189 түлек, үздік аттестатқа үміткер 151 бітіруші бар.</p>
Биыл 3250 талапкер (қазақ тілінде білім алатындар саны-1693, орыс тілінде білім алатындар саны-1538) ҰБТ тапсыруға өтініш берген.
Ал, облыс орталығындағы Дарынды балаларға арналған мамандандырылған мектептің 19 түлегі шет тілінде ҰБТ тапсырады. Ұлттық бірыңғай тест 20 маусым мен 5 шілде аралығында өтеді. Еліміздегі барлық мектептердегі сияқты өңірімізде де соңғы қоңырау салтанаты онлайн режимде өтеді.
Сонымен бірге «Ел Арна»,«Балапан» телеарналарында 11-сынып оқушыларына арналған кәсіби бағдарлау бойынша бірыңғай телесабақ ұйымдастырылды. Ал 25 мамырда сағат 11.00-де онлайн-трансляция арқылы Білім және ғылым министрі шәкірттерді оқу жылының аяқталуымен құттықтады.
Сондай-ақ осы жылы түлектер кеші болмайды. Барлық мерекелік шараларға тиым салынған. Мектеп бітірушілер үшін аттестат тапсыру және соңғы қоңырау рәсімі 3-4 маусым күндері санитарлық талаптарды сақтай отырып өткізіледі. Мектепке ата-аналардың да келуіне рұқсат беріледі. Бірақ шара әр сыныпта жеке өткізіледі. Мәселен, 30-40 минуттың ішінде бір сынып қатысса, одан кейін сәл үзіліс жасап екінші сыныптың түлектері шақырылады.
Павлодар облысы