Елордадағы Байтұрсынов көшесі 20 маусымға дейін жартылай жабылды

<p style="text-align: justify;">Жүргізушілерге маршрутын алдын-ала жоспарлау ұсынылады, деп хабарлады елорда әкімдігінің баспасөз қызметі.<br /><br /></p>

Көше-жол желісін орташа жөндеу аясында Байтұрсынов көшесінде Қошқарбаев көшесінен Тәуелсіздік даңғылына дейінгі учаскеде жол-құрылыс жұмыстары жүргізілуде, деп хабарлады қалалық көлік және жол-көлік инфрақұрылымын дамыту басқармасы.

Осыған байланысты 5-20 маусым аралығында осы учаскеде көлік қозғалысын ішінара тоқтату жоспарланған.

«Елорда тұрғындары мен қонақтары қала жолдарында кептеліс тудырмаау үшін маршрутын алдын-ала жоспарлауы керек. Қолайсыздықтар үшін кешірім өтінеміз және жөндеу жұмыстарына түсіністікпен қарауды сұраймыз», – делінген хабарламада.