Нұр-Сұлтан: Ақмешіт көшесі 15 маусымға дейін жартылай жабық

<p style="text-align: justify;">Көлік жүргізушілеріне кептелістің алдын алу үшін маршрутын алдын-ала жоспарлау ұсынылады, деп хабарлайды елорда әкімдігінің ресми сайты.</p>

Жол желісін орташа жөндеу аясында Ақмешіт көшесінде Достық көшесінен Қонаев көшесіне дейінгі учаскеде құрылыс жұмыстары жүргізілуде, деп хабарлайды қалалық көлік және жол-көлік инфрақұрылымын дамыту басқармасы.

Осыған байланысты, 7-15 маусым аралығында көлік қозғалысын ішінара тоқтату жоспарланған.

«Елорда тұрғындары мен қонақтары қала жолдарында кептеліс тудырмау үшін маршрутын алдын-ала жоспарлауы керек. Қолайсыздықтар үшін кешірім өтінеміз және жөндеу жұмыстарына түсіністікпен қарауды сұраймыз», – делінген хабарламада.