Атырауда 1 389 нысанға бейімдеу жұмысы жүргізілді
<p style="text-align: justify;">Мүмкіндігі шектеулі адамдар да өзгелер секілді шаруасымен түрлі нысандарға барады. Сол себептен, оларға қолжетімді орта құру мақсатында 3141 нысан құжаттандырылды, - деп хабарлайды <a href="https://egemen.kz/">Egemen.kz.</a></p>
Облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Әлфия Төлеғариеваның дерегіне сүйенсек, Атырауда тіркелген мүмкіндігі шектеулі жандар 23 000-нан асады. Олардың арасында бірінші топта 1 895 адам болса, екінші топтағысы – 9 629. Сондай-ақ үшінші топ санатында 8 049 адам бар. Ал, 3 688 баланың мүмкіндігі шектелген.
"Қазіргі уақытта облыстағы әлеуметтік инфрақұрылымдық нысандардың барлығы құжаттандырылды. Оның ішінде есту, көру қабілеті төмен, арбаға таңылған жандарға кедергісіз орта қалыптастыру үшін 1 389 нысанға бейімдеу жұмыстары жүргізілді", - деді Әлфия Төлеғариева.
Оның мәлім етуінше, жыл басынан бері мүмкіндігі шектеулі жандар 1 303 оңалту техникалық құралдарымен қамтамасыз етіліпті.