Атырауда ҰБТ-ға 236 түлек қатыспай қалды

<p style="text-align: justify;">Мұнайлы өңірде де ҰБТ сынағы аяқталды. Өңірлік коммуникациялар қызметінің мәліметіне қарағанда, биыл ұлттық бірыңғай тестілеуде  3 102 түлек бақ сынады. Оның ішінде  мектептер мен колледждерді былтыр бітірген 816 түлек те бар, - деп жазады <a href="/" target="_blank" rel="noopener noreferrer">Egemen.kz</a></p>

"ҰБТ сынағын тапсыруға 236 талапкер келмей қалды. Ұялы телефон мен шпаргалка әкелгені үшін 19 адам тестілеуге кіргізілген жоқ. Ал, 4 адам шпаргалка мен ұялы телефонды қолданғаны үшін аудиториядан шығарылды", - деп хабарлады өңірлік коммуникациялар қызметі.

Әзірге атыраулық түлектердің арасынан ең жоғары балл алғандар туралы дерек айтылған жоқ.