Атырау облысында көлік жарылып кетті
<p style="text-align: justify;">Мақат ауданындағы газ құю станциясының жанында тұрған көлік өртеніп, содан соң жарылды. Облыстық Төтенше жағдайлар департаменті баспасөз қызметінің мәліметінше, көлік кеше кеште өртеніпті, - деп хабарлайды <a href="https://egemen.kz/">Egemen.kz</a></p>
"Департаменттің диспетчерлік пультіне 10 шілдеде сағат 21:40-та "УАЗ" көлігінің өртенгені туралы хабар түсті. "Доссор-Атырау" тас жолының бойында орналасқан "Промгаз" ЖШС-нің газ құю станциясының қасында 2007 жылы шыққан автокөлік өртенді. Өрт кезінде көлік жарылды" -деп хабарлады департаменттің баспасөз қызметі.
Тілсіз жауды ауыздықтауға "Семсер" және Мақат аудандық №8 өрт сөндіру бөлімінің 10 қызметкері мен 2 техникасы жұмылдырылды. Өрттен ешкім зардап шекпеді.